कान्तिपुर वेबसाईट
AdvertisementAdvertisement

एमाले विधान महाधिवेशन : मास्क न सामाजिक दूरी

तस्बिर : अंगद ढकाल

काठमाडौँ — एमाले विधान महाधिवेसन तीन दिनदेखि गोदावरीमा जारी छ । महाधिवेशनमा ६ हजारभन्दा बढी प्रतिनिधिहरुको जमघट छ । कोरोना महामारीकै बीच भएको महाधिवेशनमा स्वास्थ्य मापदण्ड कडाईका साथ पालना गर्ने नेताहरुले बताएका थिए । तर महाधिवेशन स्थलको अवस्था हेर्दा त्यहाँ मापदण्ड पालना भएको देखिँदैन । महाधिवेशनको अन्तिम दिन आइतबार प्रतिनिधिहरु केन्द्रीय नेताहरुसँग फोटो खिच्न लालयित देखिए । कार्यक्रम स्थलमा बिहान केही प्रतिनिधिहरुले देउडासमेत खेले । सामाजिक दूरी त परै जाओस् मास्क पनि सही रुपमा लगाएको पाइएन । प्रमुख नेताहरु नै पनि बिना मास्क सामूहिक फोटो खिच्न व्यस्त रहे ।


प्रकाशित : आश्विन १७, २०७८ १३:१८
प्रतिक्रिया
पठाउनुहोस्

नदीले बगाउँदा बालकको मृत्यु

शिव पुरी

रौतहट — रौतहटको चन्द्रपुर नगरपालिका–३ बरबोटका १४ वर्षीय बालकको चाँदी नदीले बगाउँदा मृत्यु भएको छ । 


सुकराम ठोकरको शनिबार राति चाँदी नदी तर्न खोज्दा बगाएर मृत्यु भएको उनका दाइ विक्रम ठोकरले बताए । नजिकैको गैंडाटारमा लाग्ने हाट बजारमा किनमेल गरी घर फर्किने क्रममा सिँचाइ बाँधबाट नदी तर्न खोज्दा ठोकरलाई बगाएको थियो ।

राति खोलामा पानीको बहाव ठुलो रहेकाले खोजतलास गर्दा पनि आफन्तले फेला सकेनन् । ठोकरको शव आइतबार बिहान घट्नास्थलबाट ४ किलोमिटर तल हरानी चोकछेउको बगरमा फेला परेको इलाका प्रहरी कार्यालय चन्द्रनिगाहपुरले जनायो ।


प्रकाशित : आश्विन १७, २०७८ १३:०१
पूरा पढ्नुहोस्
प्रतिक्रिया
पठाउनुहोस्
×