काठमाडौँ — रास्वपा सभापति रवि लामिछानेले एमाले र कांग्रेसको गठबन्धनमा सरकार बनेसँगै रास्वपामाथि षड्यन्त्र गरिएको आरोप लगाएका छन् । २०८१ साउनमा गठबन्धनको सरकार बनेपछि रास्वपा र आफूमाथि राजनीतिक प्रतिशोध सुरू गरिएको उनले आरोप छ । 

भरतपुरमा जारी महाधिवेशनमा प्रस्तुत राजनीतिक प्रतिवेदनमा उनले संसदीय छानबिन विशेष समितिको निष्कर्षविपरीत सहकारी ठगी, संगठित अपराध र सम्पत्ति शुद्धीकरणजस्ता अनुचित आरोपहरू आफूमाथि लगाइएको उल्लेख गरेका छन् । ‘एमाले र कांग्रेसको सरकार बनेसँगै ममाथि नांगो राजनीतिक प्रतिशोध सुरू भयो र त्यसका लागि संस्थागत संयन्त्रहरु प्रयोग भए,’ उनले भनेका छन्, ‘एकपछि अर्को गरी नयाँ मुद्दाहरू थपेर अभियोजन गरियो । रातारात जेल हस्तानान्तरण गरियो, अन्तिम इच्छा सोधियो । हामीविरूद्ध राज्यका तीनै अंगको दुरूपयोग गरियो ।’