सार्वजनिक खरिद अनुगमन कार्यालयको प्रणालीमा अनधिकृत पहुँच पुर्याएर ठेक्का विवरण हेरफेर गरेको घटनाको अनुसन्धानका लागि उनीहरू पक्राउ परेका हुन् ।
काठमाडौँ — सार्वजनिक खरिद अनुगमन कार्यालय (पीपीएमओ) को प्रणालीमा अनधिकृत पहुँच पुर्याएर ठेक्का विवरण हेरफेर गरेको घटनाको अनुसन्धानका लागि थप दुई जना पक्राउ परेका छन् ।
प्रहरीको केन्द्रीय अनुसन्धान ब्युरो(सीआईबी) का प्रवक्ता एसपी शिवकुमार श्रेष्ठका अनुसार पक्राउ पर्नेमा स्वेदश पोखरेल र प्रकाश ढुंगाना रहेका छन् । पोखरेल इन्कोन प्रालिका शेयरधनी एवं लेखापाल हुन् भने ढुंगाना कल्पवृक्ष बिल्डर्स प्रालिका सञ्चालक हुन् ।
पोखरेललाई शनिबार र ढुंगानालाई आइतबार पक्राउ गरिएको एसपी श्रेष्ठले जानकारी दिए । विभिन्न ठेक्काहरूको आर्थिक प्रस्ताव खोल्नुअघि नै आर्थिक प्रस्तावको डकुमेन्ट परिवर्त गरेको उनीहरूमाथि आरोप छ ।
यसअघि यसै प्रकरणमा पूर्वमन्त्री एवं राप्रपाका नेता विक्रम पाण्डेसमेत पक्राउ परेका छन् ।
