काठमाडौँ — जेन-जी आन्दोलन र त्यसपछिको प्रदर्शनका क्रममा काठमाडौं उपत्यका ट्राफिक प्रहरीको कार्यालय जलेपछि बन्द भएको सचेतना कक्षा डेढ महिनापछि पुनः सञ्चालनमा आएको छ ।

कार्यालयका प्रवक्ता प्रहरी उपरीक्षक नरेशराज सुवेदीले रोकिएको कक्षा सुरु गरिएको बताउँदै पुन: ट्राफिक व्यवस्थापन र नियम उल्लंघन गर्नेहरुलाई कसुर अनुसार सचेतना कक्षा लिनुपर्ने पुरानै नियम सुरु गरिएको बताए ।

रामशाहपथस्थित ट्राफिक कार्यालय जलेपछि अहिले नजिकैको पार्टी प्यालेस भाडामा लिएर कार्यलय सञ्चालन गरिएको हो । सचेतना कक्षा पनि त्यही पार्टी प्यालेसभित्रै सञ्चालन भएको छ । ट्राफिक प्रहरीले मादक पदार्थ सेवन गरेर सवारी हाँक्ने, तीव्र गति, रातो बत्ती उल्लंघन र लेन तोड्ने चालकहरूलाई भौतिक रूपमा सचेतना कक्षामा सहभागी गराउँदै आएको छ ।