काठमाडौँ — परराष्ट्र मन्त्रालयले गाजापट्टीमा हमासले बन्धक बनाएका विपिन जोशीको अवस्था अज्ञात भएको जनाएको छ ।

‘आज बिहान इजरायलको स्थानीय समय अनुसार ७:३० बजे इजरायली सेनाले इजरायलका लागि नेपाली राजदूत, निज विपिन जोशीका दाजु, आमा, बहिनी, इजरायली परराष्ट्र मन्त्रालय र इजरायली प्रधानमन्त्री कार्यालयका अधिकारीसहितको भर्चुअल बैठक आयोजना गरी आज रिहा हुने बन्दीहरुमा निज विपिन जोशीको नाम समावेश नभएको र उनको अवस्था अज्ञात रहेको जानकारी प्राप्त भएको छ ।’ परराष्ट्र मन्त्रालयद्वारा सोमबार दिउँसो जारी गरेको विज्ञप्तीमा भनिएको छ ।

परराष्ट्रले हमासको कब्जामा रहेका सबै जीवित बन्दीहरुको रिहाइ र मृतक बन्दीहरूको शव हस्तान्तरण प्रक्रिया पूरा नभएसम्म मन्त्रालयले यस विषयमा निरन्तर रुपमा जानकारी अद्यावधिक गर्ने जानकारी गराएको छ ।