काठमाडौँ — एमालेले सरकारले दलहरुलाइ विश्वासमा लिनेभन्दा निषेधको बाटोमा अघि बढेको आरोप लगाएको छ । भक्तपुरको गुन्डुमा बसेको एमाले पदाधिकारीहरुको बैठकमा सरकारले शान्ती भन्दा हिंसाको बाटो लिएको बिषयमा कुरा भएको थियो ।

एमाले उपमहासचिव प्रदीप ज्ञवालीले सरकारले चालेको कदममा आफुहरुले आपत्ती जनाएको बताए । उनले भने, 'राष्ट्रपतिले दिएको म्यान्डेड भन्दा सरकार अर्कै बाटोमा गएको छ । निर्वाचन नहुने र भएमा पनि निष्पक्ष हुनेमा शंका छ ।'

आज बसेको एमाले केन्द्रीय सचिवालयको बैठक भोली पनि बस्ने भएको छ । जेन-जी आन्दोलनपछि उत्पन्न परिस्थितिबारे छलफल गर्न एमालेले बैठक बोलाएको थियो ।