काठमाडौँ — माओवादी केन्द्रका नेता देवेन्द्र पौडेलले बामपन्थी एकतातर्फका लागि अहिले एमालेसँगको गठबन्धनको स्टेप चालिएको बताएका छन् । माओवादी पदाधिकारीहरुको बालुवाटार बैठकपछि नेता पौडेलले विगतका गल्ती सुधार्दै अघि बढ्ने खोजिएको उनले बताए ।
'विगतमा बामपन्थी एकता गर्ने भनिएको हो । सरकार पनि बनाइएको हो तर सफल भएन । तर जनताहरुले बामपन्थी एकता होस् भन्ने थियो' उनले भने,' अहिले हामी सबैदलहरूसँग मिलेर अघि बढ्ने प्रयास गर्छौं ।' उनले अहिले समाजवादी मोर्चामा माओवादी, जसपा, नेकपा एस र नेत्रविक्रम चन्द पनि रहेको उल्लेख गर्दै अब एमाले पनि आएपछि मोर्चाबाट पनि जान सकिने उनले बताए ।
