चलचित्र उद्योगलाई निषेधाज्ञा अवधिको विद्युत डिमान्ड शुल्कमा छुट
काठमाडौँ — सरकारले चलचित्र उद्योगलाई निषेधाज्ञा अवधिको विद्युत डिमान्ड शुल्कमा छुट दिने भएको छ ।
आगामी आर्थिक वर्षको बजेट सार्वजनिक गर्दै अर्थमन्त्री विष्णु पौडेलले उत्पादन मुलुक उद्योग होटल तथा चलचित्र उद्योगलाई निषेधाज्ञा अवधिको विद्युत डिमान्ड शुल्क छुट दिने व्यवस्था मिलाइएको बताएका हुन् ।
कोभिड १९ प्रभावित होटल, ट्राभल, यातायत र पर्यटन व्यवसाय सार्वजनिक यातायात, हवाई सेवा, चलचित्र उद्योग हस्तकला उद्योग, संचारगृह र विज्ञापन सेवा, टेलरिङ, व्युटी पार्लर तथा हेल्थक्लबजस्ता व्यवसायले आर्थिक वर्ष २०७८/८९ मा तिर्नुपर्ने इजाजत तथा नविकरण दस्तुरमा समेत छुट दिई स्वतः नविकरण हुने व्यवस्था मिलाइएको अर्थमन्त्री पौडेलले बताए ।
यस्तै,सरकारले निषेधाज्ञा अवधिभर घरायसी तथा साना विद्युत् उपभोक्ताले मासिक २० युनिटसम्म खपत गर्नेलाई शतप्रतिशत, मासिक १५० युनिटसम्म खतप गर्नेलाई ५० प्रतिशत र २५० युनिटसम्म खपत गर्नेलाई ३० प्रतिशत महसुल छुट दिइने व्यवस्था मिलाएको अर्थमन्त्री पौडेलले बताए ।
त्यस्तै, साझेदारी, सहलगानी तथा सबै प्रकारका खानेपानी तथा सिचाँइ उपभोक्ता समितिले तिर्नुपर्ने विद्युतको डिमान्ड शुल्क र महसुल पूरै छुट दिने व्यवस्था गरिएको पनि उनले बताए ।
प्रकाशित : जेष्ठ १५, २०७८ १७:०५