१७.१२°C काठमाडौं
काठमाडौंमा वायुको गुणस्तर: १५७

प्रतिनिधिसभा बैठक अगाडि नै प्रधानमन्त्रीले राजीनामा दिनुपर्छ : वामदेव गौतम

कान्तिपुर संवाददाता

काठमाडौँ — नेकपा उपाध्यक्ष वामदेव गौतमले प्रधानमन्त्री केपी शर्मा ओलीले नैतिकताका आधारमा राजीनामा दिनुपर्ने बताएका छन् ।

प्रतिनिधिसभा बैठक अगाडि नै प्रधानमन्त्रीले राजीनामा दिनुपर्छ : वामदेव गौतम

इकान्तिपुरसँगको छोटो प्रतिक्रियामा गौतमले प्रतिनिधिसभा बैठक अगाडि नै ओलीले राजीनामा दिएर अर्को प्रधानमन्त्री चुन्न सहयोग गर्नुपर्ने बताए ।

‘अब पार्टी एकता गर्ने र पार्टी एकताको आधारमा नेकपाकै प्रधानमन्त्री बनाउने हो । केपी ओली अब प्रधानमन्त्री बन्न सक्नु हुन्न । उहाँले नैतिकताको आधारमा संसद् बैठक अगाडि नै राजीनामा दिनु पर्छ,’ गौतमले भने, ‘प्रतिनिधिसभा पुर्नस्थापना भएपछि बैठकमा गएर उहाँले सम्बोधन गर्नुपर्छ । म संविधानसभा सदस्यको नाताले मैले आफ्नो भूमिका निर्वाह गर्छु । यो संसद्ले अर्को प्रधानमन्त्री चुनोस् । अब म प्रधानमन्त्रीको उम्मेद्वार हुँदिन भनेर सम्बोधन गर्नुपर्छ ।’

सर्वोच्च अदालतले संविधानको मर्म र भावना बमोजिम फैसला गरेर संविधानलाई जोगाएको उनले बताए ।

‘सर्वोच्च अदालतको फैसला नेपालको संविधानको मर्म र भावना बमोजिम छ । मैले केपीको कदमलाई असंवैधानिक र प्रतिगामी भनेको थिए । मेरो भनाई, संविधानको भावना अनुरुप सर्वोच्च अदालतको संवैधानिक इजलासले फैसला गरेको छ,’ गौतमले भने, ‘इजलासमा बसेका सबै न्यायधीशहरु धन्यवादका पात्र हुनुहुन्छ । उहाँहरुले नेपालको संविधानलाई पुर्नस्थापित गर्नु भएको छ । नेपालको संविधानको रक्षा भएको छ ।’

प्रकाशित : फाल्गुन ११, २०७७ २०:२६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?