कोरोनाबाट मोरङमा थप एकको मृत्यु- समाचार - कान्तिपुर समाचार

कोरोनाबाट मोरङमा थप एकको मृत्यु

देवनारायण साह

मोरङ — मोरङमा थप एक जना कोरोना संक्रमितको मृत्यु भएको छ । कोसी अस्पतालको कोभिड १९ उपचार केन्द्रमा बुधबार विराटनगर-५ का ५७ वर्षीय पुरुषको मृत्यु भएको हो । 

ती पुरुष दम र मधुमेह रोगले पीडित थिए । कोरोना संक्रमण पुष्टि भएपछि चार दिनअघि उनलाई उपचारका लागि भर्ना गरिएको र उपचारकै क्रममा मृत्यु भएको अस्पतालको प्रवक्ता डा. लक्ष्मिनारायण यादवले बताए ।

विराटनगर महानगरमा मात्रै कोरोना संक्रमणले मृत्यु हुनेको संख्या ५ पुगेको छ । महानगरमा हालसम्ममा ३ सय ५४ जनामा संक्रमण पुष्टि भएको मध्ये ६९ जना निको भएर घर फर्केका छन् । मोरङमा हालसम्म ८ जना कोरोना संक्रमितले ज्यान गुमाइसकेका छन् ।

प्रकाशित : श्रावण २८, २०७७ १७:३७
प्रतिक्रिया
पठाउनुहोस्

सप्तरीमा थप ३१ जनामा कोरोना संक्रमण

अवधेशकुमार झा

राजविराज — सप्तरीमा बुधबार थप ३१ जनामा कोरोना संक्रमण पुष्टि भएको छ । योसँगै जिल्लामा कोरोना संक्रमितको संख्या ६ सय १६ पुगेको छ । 

गजेन्द्रनारायण सिंह अस्पतालमा गरिएको पीसीआर परीक्षणमा बुधबार राजविराज नगरपालिकाका २७ र रुपनी गाउँपालिकाका ४ गरी ३१ जनामा संक्रमण पुष्टि भएको जिल्ला स्वास्थ्य कार्याल्य सप्तरीका प्रमुख दुनियालाल यादवले जानकारी दिए ।

हालसम्म सप्तरीमा ३ जना कोरोना संक्रमितको मृत्यु भइसकेको छ भने ४ सय २४ जना निको भएर घर फर्केका छन् ।

प्रकाशित : श्रावण २८, २०७७ १७:२९
पूरा पढ्नुहोस्
प्रतिक्रिया
पठाउनुहोस्
×