अन्तर्राष्ट्रिय विमानस्थलहरूका लागि १९ अर्ब विनियोजन

'सुरक्षित, नियमित, विश्वसनीय र सुलभ हवाइसेवाका लागि गुणस्तरीय हवाई पूर्वाधार निर्माणलाई प्राथमिकता दिइएको छ,' मन्त्री खतिवडाले बजेट प्रस्तुत गर्ने क्रममा बिहीबार भने, 'अन्तर्राष्ट्रिय विमानस्थल निर्माणका लागि १९ अर्ब ४२ करोड बजेट विनियोजन गरेको छु ।'

यसरी विनियोजन भएको बजेटबाट अन्तरप्रदेश हवाइ सम्पर्क विस्तार र अन्तर्राष्ट्रिय हवाई सेवा बढाइने मन्त्री खतिवडाले बताए ।

'गौतमबुद्ध अन्तर्राष्ट्रिय विमानस्थल संचालनमा ल्याउन तथा दोस्रो टर्मिनल भवन लगायतका थप पूर्वाधार निर्माण गर्न त्रिभुवन विमानस्थलको स्तरोन्नति गर्न तथा अन्तर्राष्ट्रिय टर्मिनल भनवनको स्तरोन्नति र पोखरा विमानस्थलको काम सम्पन्न गर्न आवश्यक रकमको व्यवस्था गरेको छु,' मन्त्री खतिवडाले भने ।

निजगढ अन्तर्राष्ट्रिय विमानस्थलको हवाई क्षेत्रभित्रको बस्ती स्थान्तरण गर्न र परिपथ निर्माण गर्न आवश्यक बजेट व्यवस्था गरिएको उनले बताए ।