कोरोना प्रकोप : एसईई स्थगित 

जगदीश्वर पाण्डे, सुदीप कैनी

काठमाडौँ — सरकारले माध्यमिक शिक्षा परीक्षा (एसईई) स्थगित गरेको छ ।

शिक्षा विज्ञान तथा प्रविधि मन्त्री गिरिराजमणि पोखरेलले चैत ६ गतेदेखि सुरु हुने एसईई परीक्षा हालका लागि स्थगित गरिएको कान्तिपुरलाई बताए। यसअघि सरकारले प्रत्येक एसईई केन्द्रमा स्वास्थ्य जाँचसहितको हेल्थ डेस्क राखेर परीक्षा सञ्चालन गर्ने तयारी गरेको थियो।


त्यस्तै,उपप्रधान तथा रक्षामन्त्री ईश्वर पोखरेल संयोजक रहेको कोभिड–१९ संक्रमण रोकथाम तथा नियन्त्रण उच्चस्तरीय समन्वय समितिकोबुधबार बसेको बैठकले वैशाख ३ गतेसम्म कोरोना प्रभावित मुलुकका नागरिकको आगमनमा प्रतिबन्ध लगाउने पनि निर्णय गरेको छ। त्यस्तै २५ जनाभन्दा बढी व्यक्ति भेला नहुन र वैशाख १८ गतेसम्म सिनेमा घर, रंगशाला, जिम, डान्स बार तथा क्लबहरु पनि बन्द गर्न सरकारले निर्देशन दिएको छ। प्रकाशित : चैत्र ५, २०७६ १८:२८

ADVERTISEMENT
प्रतिक्रिया
पठाउनुहोस्

कोरोना प्रकोप : ब‌ंगलादेशमा एक जनाको मृत्यु

एजेन्सी

ढाका — बंगलादेशमा कोरोना भाइरस(कोभिड–१९) को संक्रमणबाट बुधबार एक जनाको मृत्यु भएको छ । कोभिड–१९ को संक्रमणबाट ७० वषभन्दा माथिका एक जनाको मृत्यु सरुवा रोग नियन्त्रण तथा अनुसन्धान संस्थान(आईइडीसीआर)का निर्देशक प्राध्यापक मिरजादी सब्रिनालाई उद्धृत गर्दै द डेली स्टारले जनाएको छ । ती व्यक्ति पहिलेदेखि नै श्वासप्रश्वास, उच्च रक्तचाप, मुटुसम्बन्धी रोग र मधुमेहबाट ग्रसित रहेको निर्देशक सब्रिनाले जानकारी दिएकी छिन् ।

बुधबार दिउँसोसम्म बंगलादेशमा कोभिड–१९ संक्रमितको संख्या १४ पुगेको छ । बंगलादेशमा १६ जनालाई आइसोलेसन र ४२ जनालाई क्वारेन्टाइनमा राखिएको पनि निर्देशक सब्रिनाले जानकारी दिएकी छिन् । आईईडीसीआरले पछिल्लो २४ घण्टामा ४९ जनाबाट नमुना संकलन गरेको छ भने अहिलेसम्म ३४१ जनाको नमुना परीक्षण गराएको छ ।

दक्षिण एसियाली मुलुकहरुमा सबैभन्दा बढी पाकिस्तानमा २५४ जना रहेका छन् । पाकिस्तानमा मंगलबार एक जनाको मृत्यु भएको समाचार पाकिस्तानी सञ्चारमाध्यमबाट सार्वजनिक भएको थियो । तर बुधबार फेरि पाकिस्तानी अधिकारीहरुले त्यसको खण्डन गरेका छन् ।

दक्षिण एसियाली देशमा संक्रमणको अवस्था
देशसंक्रमितमृत्यु

पाकिस्तान

२५४
भारत१५२
श्रील‌ंका५०

अफगानिस्तान

२५
बंगलादेश१४
मालदिभ्स१३
भुटान
नेपाल१(निको भइसकेको)

प्रकाशित : चैत्र ५, २०७६ १८:०६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×