गुम्बागाउँका बिरामीको जाँच गरेर तत्‍काल सत्य-तथ्य बाहिर ल्याइयोस् : सांसद तामाङ

प्रतिनिधिसभा बुधबारको बैठकमा सांसद तामाङले भने, 'सिन्धुपाल्चोक जिल्लाको जुलग गाउँपालिकामा कोरोना भाइरस फैलिएको भन्ने भ्रम सिर्जना भएको छ । त्यसबारे सत्य-तथ्य छिटो जाँच गरेर जानकारी जनताको बीचमा ल्याइयोस् ।'

सिन्धपाल्चोक कोरोना भाइरसमुक्त जिल्ला भएको बताउँदै समाचार लेखेर भ्रम फैलाइएको उनको आरोप थियो । 'सिन्धुपाल्चोक जिल्ला कोरोना भाइरसमुक्त जिल्ला हो, नेपालमा नै त्यस्तो भाइरस देखिएको छैन । जनतामा भ्रम फैलिएको छ ।'

उनले सरकार समयमा नै सचेत हुनुपर्ने सुझाव दिएका थिए । मौसम परिवर्तन भइरहेकाले बिरामी बढ्ने र त्यसबाट अन्य संक्रमण नहोस् भनेर उनले सरकारलाई सचेत रहन आग्रह गरेका छन् ।

सम्बन्धित समाचारः

• सिन्धुपाल्चोक गुम्बा गाउँमा फैलिएको ज्वरोको प्रकोप नियन्त्रणमा छ : स्वास्थ्यकर्मी
• सिन्धुपाल्चोकको गुम्बागाउँमा १०० भन्दा बढीलाई रुघा र ज्वरो, कोरोनाको आशंका