कोइराला सुनसरीको क्षेत्र २ (२), अर्याल मोरङ ५ (ख), पराजुली मोरङ ४ (२), थापा कांग्रेसको समानुपातिक सूचीमा १ नम्बरका उम्मेदवार, हिमाल कार्की उदयपुर १ (१), केदार मोरङ ६ (२) र घिमिरे मोरङ ४ (१) बाट प्रदेशसभा सदस्यका लागि उम्मेदवारी दिएका छन् ।

अर्याल र हिमाल पार्टी सभापति शेरबहादुर देउवा निकट, थापा र पराजुली कृष्णप्रसाद सिटौला निकट र कोइराला, केदार र घिमिरे शेखर कोइराला निकटका हुन । गठबन्धन दलमा प्रदेश सरकारको नेतृत्व आएपछि गठबन्धन दलको सबभन्दा ठूलो दल हुँदाहुँदै पनि पार्टी नेतृत्वका कारण कांग्रेसले सरकारको नेतृत्व नपाउँदा कोइराला मुख्यमन्त्री बन्न सकेनन् । 

यस्तै, प्रदेशसभा सदस्यका लागि उम्मेदवारी दर्ता गराएकामध्ये एमालेमा पनि दुई जना मुख्यमन्त्रीका दावेदार देखिएका छन् । झापाको ५ (१) बाट प्रदेशसभा सदस्यमा उम्मेदवारी दर्ता गराएका एमालेका केन्द्रीय सदस्य तथा निवर्तमान प्रदेश सांसद हिक्मत कार्की र एमालेका अर्का केन्द्रीय सदस्य तथा निवर्तमान प्रदेश सांसद जीवन घिमिरे मुख्यमन्त्रीका दावेदार छन् । कार्की एमाले अध्यक्ष केपी ओली निकट भएकाले मुख्यमन्त्रीको प्रमुख दावेदारको रुपमा देखिएका हुन् । 

यस्तै, माओवादी केन्द्रबाट पनि पाँचथरबाट प्रदेशसभा सदस्यमा दोहोर्‍याएका आर्थिक मामिला तथा योजनामन्त्री इन्द्रबहादुर आङ्बो पनि मुख्यमन्त्रीको दावेदारको रुपमा देखिएका छन् ।