मोरङ — प्रदेश १ मा आइतबार १ सय ८१ कोरोना संक्रमित थपिएका छन् । दैनिक संक्रमण संख्यामा यो अहिले सम्मकै उच्च हो । मोरङमा १ सय ६७, सुनसरीमा ७, झापामा ३, भोजपुरमा २, तेह्रथुम र प्रदेश १ बाहिरका १/१ जना रहेको सामाजिक विकास मन्त्रालयले जनाएको छ ।
मन्त्रालयका अनुसार विराटनगरमा १ सय ३० जनामा संक्रमण देखिएको छ । जसमा ५१ महिला र ७९ जना पुरुष रहेका छन् ।
यस प्रदेशमा कोरोना संक्रमितको संख्या ६ हजार ४ सय ३६ पुगेको छ । संक्रमितमध्ये २ हजार ८ सय २५ जना संक्रमित निको भएका छन् भने ६३ जना संक्रमितको मृत्यु भइसकेको छ ।
