रुकुम पश्चिम — वडाध्यक्ष पदका लागि उपनिर्वाचन हुन लागेको रुकुम पश्चिमको सानीभेरी गाउँपालिका– ५ मा दुई जनाले उम्मेदवारी फिर्ता लिएका छन् ।
नेकपा एकीकृत समाजवादीका हंशराज पुरी र स्वतन्त्र उम्मेदवार बीरबहादुर बस्नेतले उम्मेदवारी फिर्ता लिएका सहायक निर्वाचन अधिकृत गोविन्द कोइरालाले जानकारी दिए ।
अब यहाँ कांग्रेसका मोतिराम खत्री र माओवादी केन्द्रका जसीराम बस्नेतबीच प्रतिस्पर्धा हुने भएको छ । वडाध्यक्ष पदका उम्मेदवारी दिएको नेकपा एकीकृत समाजवादीले उम्मेदवारी फिर्ता लिएर माओवादी केन्द्रका उम्मेदवारलाई सघाउने भएको छ ।
