काठमाडौँ — आठौं एक्स्ट्रिम इनर्जी रेडियो कान्तिपुर नेसनल म्युजिक अवार्ड-२०८२ को उत्कृष्ट पार्श्व गायिकाको अवार्ड झुमा लिम्बूले हात पारेकी छन् ।

पुल्चोकस्थित प्लाजामा शुक्रबार आयोजित रेडियो कान्तिपुरको २८औं वार्षिकोत्सवका अवसरमा उनले फिल्म ‘ऊनको स्वीटर’को गीत ‘काफ्ले’ गीतबाट लिम्बूले उक्त अवार्ड प्राप्त गरेकी हुन् ।

लिम्बूसँगसँगै पार्श्व गायनतर्फ उत्कृष्ट गायिका विधामा 'धागोले बाटेको' बाट रचना रिमाल, 'कुन हावाले' बाट सलिना विक, 'युमा हजुरी' बाट सुनिता थेगिम र 'नत्र भने जिन्दगी' बाट समीक्षा अधिकारी मनोनयनमा परेका थिए ।

लिम्बू रैथाने संगीतको खोजी, अनुसन्धान र प्रवर्धनमा परिचित छिन् । नेपाली सुगम र आधुनिक गायनबाट आफ्नो यात्रा सुरु गरे पनि पछिल्लो समय उनी रैथाने संगीतको उत्खनन र संरक्षणमा लागिपरेकी छन् ।