दीर्घकालीन कार्ययोजना बनाउन कार्यदल गठन गर्ने ऊर्जामन्त्री खड्काको पहिलाे निर्णय

ऊर्जा जलस्रोत तथा सिंचाई क्षेत्रमा सुशासन तथा विकासका लागि तत्कालीन एवं दीर्घकालीन कार्ययोजना तयार गरी १५ दिन भित्र प्रतिवेदन पेस गर्न कार्यदल समेत गठन गरेको मन्त्रालयका प्रवक्ता नविनराज सिंहले जनाए ।

मन्त्रालयका सहसचिव मधुप्रसाद भेटुवालकाे संयोजकत्वमा मन्त्रालय तथा मन्त्रालय मातहतका निकायका प्रमुखहरुसहितको ९ सदस्यीय कार्यदल गठन गरेको प्रवक्ता सिंहले बताए ।

प्रधानमन्त्री केपी शर्मा ओली नेतृत्वको सरकारमा खड्काले ऊर्जा, जलस्रोत तथा सिाचाइ मन्त्रालयको जिम्मेवारी पाएका हुन् । उनी मन्छियाम हाइड्रोपावर लिमिटेड र लाङटाङ भोटेकोशी हाइड्रोपावर कम्पनीका संस्थापक अध्यक्ष समेत हुन् । यी दुई कम्पनीद्वारा ४.७२ मेगावाट क्षमताको मेन्छियाम जलविद्युत् आयोजना र १ सय २० मेगावाट क्षमताको निर्माणाधीन रसुवा–भोटेकोसी जलविद्युत् आयोजना प्रवर्द्धित हुन् । खड्का स्वतन्त्र ऊर्जा उत्पादकहरुको संस्था (इप्पान)का सल्लाहकार समेत हुन् ।

पछिल्लो समयमा जलविद्युत् आयोजनाका संस्थापक सेयरधनी अनुकुल नीति बनाउन उनी लागि परेका थिए । खासगरी कोशी प्रदेशमा गत वर्ष आएको बाढीले जलविद्युत् आयोजनाहरूमा पुर्‍याएको क्षतिलाई बहाना देखाउादै संस्थापक सेयरधनी अनुकुलन नीति बनाउन उनले संसदीय समिति, नियामक निकायलगायतमा दबाब दिादै आएका थिए ।

बाढी प्रभावित जलविद्युत् आयोजनामा संस्थापक सेयर बिक्रीका लागि दबाब दिइरहेका समूहको नेतृत्वमा सांसद खड्का नै देखिएका छन् । जलविद्युत् आयोजनाबाहेक होटल फरेस्ट इन, मकालु वरुण एग्रो कन्सर्न र संखुवासभा आधुनिक कृषि कम्पनीमा पनि उनको लगानी छ ।

खड्काकी श्रीमती विनीता थापाले पनि विभिन्न पर्यटनसाग सम्बन्धित विभिन्न पेसा व्यवसायको नेतृत्व गरिरहेकी छन् । खड्का यसअघि २०७३ सालमा शेरबहादुर देउवा नेतृत्वको सरकारमा खानेपानी तथा सरसफाइ राज्यमन्त्री थिए ।