नरेन्द्र मोदी सरकारविरुद्धको यो आन्दोलनप्रति मंगलबार साँझ उद्धव ठाकरे र महुआ मोइत्रासहित विपक्षी दलका नेताहरू प्रदर्शनस्थल पुगेर ऐक्यबद्धता जनाएका थिए। सीजेपीले शिक्षामन्त्री धर्मेन्द्र प्रधानको राजीनामा माग गर्दै आएको छ।

सोमबार आयोजित 'चलो संसद्' मार्चका क्रममा प्रहरी र प्रदर्शनकारीबीच झडप भएको थियो। त्यसक्रममा प्रहरीले लाठीचार्ज र अश्रुग्यास प्रहार गरेको थियो। घटनामा कम्तीमा ७० जना पक्राउ परेका छन् भने धेरै प्रदर्शनकारी घाइते भएका छन्।

विद्यार्थीमाथि भएको लाठीचार्ज तथा राहुल र प्रियंका गान्धीलाई पक्राउ गरिएको विरोधमा कांग्रेसले केरल, जम्मु–कश्मीर, असमलगायत विभिन्न राज्यमा प्रदर्शन गरेको छ।

अनसनरत सोनम वाङचुकलाई दिल्ली उच्च अदालतको आदेशपछि गुरुग्रामस्थित मेदान्ता अस्पतालमा सारिएको छ।

यता, शिक्षामन्त्री धर्मेन्द्र प्रधानले कांग्रेसले विद्यार्थीलाई राजनीतिक उद्देश्यका लागि प्रयोग गरेको आरोप लगाउँदै सरकारले नीट परीक्षाको विषयमा संसद्‍मा छलफल गर्न तयार रहेको बताएका छन्। तस्बिरहरु : एपी