त्यस्तै, अमेरिकाले यो सम्झौतालाई सफल निष्कर्षमा पुर्‍याउन दुवै पक्षसँग नजिक रहेर काम गरिरहने प्रतिबद्धता समेत जनाएको छ।

इजरायलले पनि यो पाइलट कार्यक्रम सुरु भएको पुष्टि गर्दै आफ्नो सेनाले अमेरिका र लेबनानसँग समन्वय गरिरहेको जनाएको छ।

लेबनान, इजरायल र अमेरिकाबीच ६ चरणको प्रत्यक्ष वार्ता पछि गत जुन २६ मा यो सम्झौताको ढाँचा तय भएको थियो।

तर सम्झौताका बाबजुद सीमा क्षेत्रमा तनाव भने अझै पूर्ण रूपमा साम्य भइसकेको छैन।

इजरायलले लेबनानमा आफ्ना सैन्य आक्रमणहरू जारी राखेको छ भने हिजबुल्लाहले पनि उत्तरी इजरायललाई लक्षित गरी रकेट प्रहार गरिरहेको छ।

इरानको समर्थन पाएको हिजबुल्लाहले लेबनान र इजरायलबीचको पछिल्लो यो सम्झौतालाई अस्वीकार गरको छ। इजरायलले कुनै पनि शर्त बिना लेबनान नै छाड्नुपर्ने  अडान उसले राख्दै आएको छ ।सहमतिअनुसार लेबनानी सशस्त्र बलले इजरायलले खाली गरेका क्षेत्रहरूको सुरक्षा जिम्मा सम्हाल्दै ती स्थानहरू हिजबुल्लाहका हतियार तथा सैन्य पूर्वाधारमुक्त भइसकेको प्रमाणित गर्नुपर्नेछ।