बेइजिङ — चिनियाँ राष्ट्रपति सी चिनफिङ र अमेरिकी राष्ट्रपति डोनल्ड ट्रम्पबीच बेइजिङमा द ग्रेट हल अफ द पिपलमा भेटवार्ता भएको छ ।

दुई नेताहरुबीच आगामी तीन वर्ष र त्यसपछिका लागि ‘सिर्जनात्मक रणनीतिक स्थिर सम्बन्ध’ कायम गर्ने सहमति भएको राष्ट्रपति सीलाई उद्रृत गर्दै  चीनको विदेश मन्त्रालयले जनाएको छ । 

उनले अमेरिका–चीन सम्बन्धमा सिर्जनात्मक र स्थिर सम्बन्धको नयाँ युग सुरु भएको बताएका छन् । 

चिनियाँ समाचार एजेन्सी सिनुवाले ट्रम्पले सीको तारिफ गर्दै उनलाई पटक–पटक ‘महान् नेता’ भनेको उल्लेख गरेको छ ।

ट्रम्पले चीन र यसका नेताप्रति सम्मान प्रकट गर्दै अमेरिकाले आफ्नो प्रतिनिधिमण्डललमा  प्रतिष्ठित व्यवसायीहरुलाई संलग्न गराएको पनि बताएका छन् ।

‘उनीहरु व्यापार गर्नका लागि तत्पर छन्,’ ट्रम्पको भनाई उद्रृत गर्दै सिनुवाले लेखेको छ,‘यहाँ त्यस्ता मानिस पनि छन् । जसले यो सम्मेलन सबैभन्दा ठूलो हुनसक्ने बताएका छन् । चीनको साथी हुन पाउनु सम्मानको विषय हो र चीन–अमेरिका सम्बन्ध पहिलेभन्दा राम्रो हुनेछ ।’