काठमाडौँ — इरानले युएइको व्यस्त बन्दरगाह फुजैराह इमिरेट्स टर्मिनलमा आक्रमण गरेको छ । आक्रमणपछि केही ठाउँमा तेल लोड गर्ने काम स्थगित गरिएको अन्तर्राष्ट्रिय सञ्चारमाध्यम रोयटर्सले जनाएको छ ।

युएइको सरकारी मिडिया कार्यालयले प्रतिरोध गरिएको क्षतिग्रस्त ड्रोन खस्दा यहाँ आगलागी भएको जनाएको छ।घटनामा कोही पनि घाइते नभएको पनि कार्यालयले जनाएको छ । 

अमेरिकाले इरानको खार्ग टापुको तेल निर्यात टर्मिनलमा रहेका सैनिक अखडामा आक्रमण गरेको केही घण्टापछि इरानले प्रत्याक्रमण गरेको हो । इरानको अर्धसैन्य दस्ता इस्लामिक रिभोलुशनरी गाड्र्स कप्र्सले अमेरिकासँग सम्बन्ध जोडिएका स्थानमा गरिएको आक्रमण वैध रहेको दाबी गरेको छ । 

इरानले खाडी राष्ट्रहरुमा निरन्तर मिसाइल तथा ड्रोन आक्रमण गरिरहेको छ । तर, आफ्नो अत्याधुनिक हवाई प्रतिरक्षा प्रणालीमार्फत यी चुनौतीहरुलाई असफल बनाइएको खाडी देशहरुको दाबी छ ।