काठमाडौँ — इरानका सर्वोच्च नेता आयतुल्लाह अली खामेनेइको हत्याप्रति रूसले गहिरो दुख व्यक्त गरेको छ  । रूसी विदेश मन्त्रालयले जारी गरेको विज्ञप्तिमा यस घटनाले मस्को आक्रोशित बनेको उल्लेख छ । 

सभ्य संसारमा यस्तो हत्यालाई कुनै स्थान नभएको रुसी विदेश मन्त्रालयले बताएको छ। तेहरानले आइतबार बिहान ८६ वर्षीय खामेनेइको आक्रमणमा मृत्यु भएको पुष्टि गरेको थियो ।

उनकी छोरी, ज्वाइँ र नातिनीले पनि आक्रमणमा ज्यान गुमाएका छन्। 'रूसले राजनीतिक हत्या र सार्वभौम राज्यका नेताहरूको 'शिकार' गर्ने अभ्यासको दृढतापूर्वक र निरन्तर निन्दा गर्दछ।

यस्तो हत्या सभ्य समाज र राज्यहरूबीचको सम्बन्धको आधारभूत सिद्धान्तहरूको विपरीत छ । अन्तर्राष्ट्रिय कानूनको स्पष्ट उल्लङ्घन भएको छ,' रूसले जारी गरेको विज्ञप्तिमा उल्लेख छ ।