काठमाडौँ — मोटरसाइकलमा आएका बन्दुकधारीहरूले उत्तरी नाइजेरियाका तीनवटा गाउँमा आक्रमण गरी कम्तीमा ४६ जनाको हत्या गरेका छन् ।

नाइजर राज्यको बोर्गुस्थित तीनवटा गाउँहरूमा आक्रमण भएको एएफपी समाचार एजेन्सीलाई बताएको छ । 

सबैभन्दा धेरैको हत्या कोन्कोसो गाउँमा भयो । यहाँ कम्तिमा ३८ जनालाई गोली हानेर वा घाँटी रेटेर मारिएको थियो । गाउँका धेरैजसो घरहरू जलेर ध्वस्त भएका छन् । यहाँबाट थप शवहरु निकाल्ने क्रम पनि जारी रहेको अलजजिराले जनाएको छ । 

नाइजर राज्य प्रहरी प्रवक्ता वासिउ अबियोडुनले बन्दुकधारीहरूले टुङ्गर माकेरी गाउँमा आक्रमण गरेको र त्यहाँबाट कोन्कोसोतर्फ लागेको बताए । 

उत्तरी नाइजेरियामा जटिल सुरक्षा संकटको बीचमा आक्रमण भएको हो । यहाँ विभिन्न सशस्त्र समूहहरू तथा फिरौतीको लागि मानिसहरूलाई अपहरण गर्ने गिरोहहरू पनि सक्रिय छन् ।