एसएसपी एनपी सिंहले भने, ‘फारुककी पत्नी एक महिनाअघि माइती जानका लागि केही रकम मागिरहेकी थिएन् । यसलाई लिएर विवाद भएपछि उनी बुर्का नलगाएरै माइतीमा गइन् । जस कारण फारुकलाई पत्नीले आफ्नो इज्जत नगरेको अनुभव भयो । त्यसपछि नै उनले पत्नीको हत्याको योजना बनाएको देखिन्छ ।’

प्रहरी अधिकारीका अनुसार १० डिसेम्बरको राति बालबच्चा सुतेका बेला मध्यराति फारुकले चियाको बहानामा पत्नीलाई उठाएका थिए । जब पत्नी उठेर आगनमा आइन्, तब फारुकले गोली हानी हत्या गरे । 

घटनाको अनुसन्धानको नेतृत्व गरिरहेका एसएसपी सिंहले न्युज एजेन्सी एएनआईसँगको कुराकानीमा भने, ‘गोलीको आवाज सुनेर १४ वर्षीया छोरी बाहिर बइन् । फारुकले उनलाई पनि गोली हाने । त्यसपछि ६ वर्षीया छोरी पनि बाहिर आइन् । फारुकले उसको पनि गोली हानेर हत्या गरे ।’