काठमाडौँ — सन् २०२६ को जुलाइसम्मका लागि स्थापना गरिएको सो एजेन्सी गत मे महिनाको अन्त्यमा मस्कले व्हाइट हाउस छोडेयता निष्क्रियजस्तै थियो । रोयटर्सलाई दिएको अन्तर्वार्तामा कर्मचारी व्यवस्थापनसम्बन्धी निर्देशक स्कट कुपरले 'सो एजेन्सी अब बाँकी नरहेको' अभिव्यक्ति दिएका हुन् । 

सो एजेन्सीले अमेरिकी सरकाको लगभग २० खर्ब डलर बचत गर्ने महत्वाकांक्षी घोषणा गरिएको थियो । ट्रम्प र मस्कको सो योजना शुरूदेखि नै विवाद र आलोचनाको शिकार बन्न पुगेको थियो । सरकारी बजेटको ३० प्रतिशत बचत गर्ने आक्रामक योजनासहित हातमा आरा लिएर मिडियाको अगाडि देखिने गरेका मस्कले आफ्नो एजेन्सीमार्फत ३० अमेरिकी सरकारका निकायमा रहेका लगभग ५० हजार कर्मचारी निकालिदिएका थिए ।

अमेरिकी अन्तर्राष्ट्रिय विकास नियोग (यूएसएड) पूर्णरूपमा बन्द गर्दै मस्कले उपभोक्ता र स्वाथ्यसँग सम्बन्धित कतिपय सेवासमेत बन्द गराएका थिए । गत फेब्रुअरिमा भने एजेन्सीले जोगाउने बजेटको दाबीलाई १० खर्ब अमेरिकी डलरमा झारिएको थियो भने पछि सो रकम २ खर्बभन्दा तल हुने भन्दै संशोधन गरिएको थियो ।