इजरायलका रक्षामन्त्री इजरायल कात्जले इजरायलको निन्दा र प्रतिबन्धको धम्कीले आतंकवादविरुद्धको संकल्प कमजोर नपार्ने बताएका छन्।
काठमाडौँ — गाजा शहर नियन्त्रणमा लिने इजरायली सुरक्षा क्याबिनेटको निर्णयलाई लिएर विश्वभर भइरहेको आलोचनालाई इजरायलले खारेज गरेको छ ।
इजरायलका रक्षामन्त्री इजरायल कात्जले कुनै पनि देशद्वारा इजरायलको निन्दा गर्ने, प्रतिबन्धको धम्की दिने कार्यले आतंकवादविरुद्धको संकल्पलाई कमजोर पार्न नसक्ने बताएका छन् ।
उनले भनेका छन्, ‘हाम्रो शत्रु हामीलाई मजबुद र एकजुट मुट्ठीका रुपमा पाउनेछ, जसले उनीहरुविरुद्ध शक्तिशाली आक्रमण गर्नेछ ।’
गाजा शहरमा पूर्ण नियन्त्रण गर्ने इजरायलको निर्णयलाई लिएर यतिबेला विश्वभर आलोचना भइरहेको छ । संयुक्त राष्ट्रसंघ, बेलायत, फ्रान्स र क्यानडासहित कैयौं देशले निन्दा गरेका छन् । जर्मनीले इजरायलमा सैन्य सहयोग रोक्ने चेतावनीसमेत दिएको छ ।
शुक्रबार इजरायली सुरक्षा क्याबिनेटले गाजामा नियन्त्रण गर्ने योजनामा अनुमति दिएको थियो । यसका साथै मुख्य पाँच बिन्दु पनि निर्धारित गरिएको छ ।
