आन्दोलनका कारण जनजीवनसमेत प्रभावित भएको र धेरै व्यवसायहरुमा क्षति पुगेको प्रति मेयर बासले दु:खसमेत व्यक्त गरिन् । आन्दोलनको क्रममा सोमबार राति मात्रै डाउनटाउन क्षेत्र २३ वटा व्यवसायिक फर्महरु लुटिएको उनले जानकारी दिइन् । 

लस एन्जलस सहरको कुल क्षेत्रफल ५ सय २ वर्ग माइल छ । त्योमध्ये १ वर्ग माइल क्षेत्रमा मात्र कर्फ्यु लागु हुनेछ । लस एन्जलसका प्रहरी प्रमुख जिम म्याकडोनेलले कर्फ्युमा ज्यान जोगाउन र सम्पत्ति सुरक्षित राख्न आवश्यक रहेको बताएको सिएनएनले उल्लेख गरेको छ ।

‘गत केही दिनदेखि सहरमा लगातार बढ्दो अशान्ति र अवैध, खतरनाक गतिविधिका कारण हामीलाई यो कदम चाल्न बाध्य भएका हौं,’ प्रहरी प्रमुख म्याकडोनेलले भने । प्रहरीले हालसम्म आन्दोलनमा प्रदर्शन गर्ने १ सय ९७ जनालाई पक्राउ गरिसकेको छ । सोमबारमात्रै तीमध्ये १ सय १४ जना पक्राउ परेका हुन् ।