अमृतसर — भारतको पञ्जाबस्थित अमृतसरमा विषाक्त मदिरा सेवनबाट १४ जनाको मृत्यु भएको छ ।

मदिरा सेवनबाट गम्भीर बनेका ६ जनालाई अस्पतालमा भर्ना गरिएको पञ्जाब प्रहरीले जनाएको छ । समाचार एजेन्सी एएनआईका अनुसार अमृतसरको मजीठा जिल्लामा यो घटना भएको हो । 

अमृतसरका एसएसपी मनिन्दर सिंहले सञ्चारकर्मीहरुसँग कुरा गर्दै भने, ‘हिजो राति करिब पौने १० बजेतिर सूचना प्राप्त भयो । नक्कली मदिरा सेवनबाट मानिसहरुको मृत्यु भएको खबर आयो । तत्काल हामीले घटनास्थल पुगेर मुख्य सप्लायर परबजीत सिंहसहित चार जनालाई नियन्त्रणमा लियौं ।’

उनले भने, ‘१४ जनाको मृत्यु पुष्टि भएको छ । अरु ६ जनालाई अस्पताल भर्ना गरिएको छ । यो घटना पाँचवटा गाउँमा भएको छ ।’