इस्लामावाद — गत अप्रिल २२ मा जम्मू–कश्मीरको पहलगाममा भएको आतंकवादी आक्रमणको घटनापछि भारत–पाकिस्तानबीच बढ्दो तनावमा ध्यस्थता गर्ने प्रयासका लागि इरानका विदेशमन्त्री सोमबार पाकिस्तानमा पुगका छन् ।

पाकिस्तानको विदेश मन्त्रालयका अनुसार इरानका विदेशमन्त्री अब्बास अराघचीको भ्रमण कश्मीरमा पर्यटकहरुको हत्या भएपछि बढेको तनावपछि कुनै पनि विदेशी कुटनीतिज्ञको पहिलो भ्रमण हो । यो भ्रमण तेहरानले आणविक सशस्त्र छिमेकीहरूबीचको तनाव कम गर्न मद्दत गर्ने प्रस्ताव गरेको केही दिनपछि भएको हो ।

इस्लामावाद नजिकैको विमानस्थलमा अवतरण गरेपछि वरिष्ठ पाकिस्तानी अधिकारीहरूले अराघचीलाई स्वागत गरेका थिए । उनले आफ्ना पाकिस्तानी समकक्षी इशाक डार, राष्ट्रपति आसिफ अली जर्दारी र प्रधानमन्त्री शाहबाज सरिफलाई भेट्ने मन्त्रालयले जनाएको छ । मन्त्रालयले थप विवरण दिएको छैन ।