वासिङटन — अमेरिकी राष्ट्रपति डोनाल्ड ट्रम्पले युक्रेनमा रुसले आक्रमण रोक्नुपर्ने बताएका छन् । आफ्नो सामाजिक सञ्जाल ट्रुथ सोसियलमा ट्रम्पले आफू किभमा गरिएको आक्रमणबाट खुशी नभएको जनाउँदै रुसी राष्ट्रपति भ्लादिमिर पुटिनसँग आग्नह गरेका छन् । 

‘म किभ (युक्रेनी राजधानी) मा गरिएको रुसी आक्रमणबाट खुसी छैन,’ उनले लेखेका छन्, ‘यो आवश्यक छैन, र यो धेरै खराब समय हो । भ्लादिमिर (रुसी राष्ट्रपति भ्लादिमिर पुटिन), रोक्नुहोस् ! सातामा ५ हजार सैनिकहरू मरिरहेका छन् । शान्ति सम्झौता सम्पन्न गरौं !’ 

रुसी सेनाले पछिल्लो समय युक्रेनका नागरिक पूर्वाधारलक्षित आक्रमणलाई तीव्रता दिएको छ । बुधबार राति  किभ र खार्किभमा गरिएका आक्रमणमा ११ जनाको ज्यान गएको छ । आक्रमणमा कम्तीमा ७७ जना घाइते भएका युक्रेनी अधिकारीहरूलाई उद्धृत गर्दै बीबीसीले जनाएको छ ।