इजरायल — इजरायली सेनाले २३ मार्चमा दक्षिणी गाजामा १५ जना आपतकालीन कर्मचारीको हत्याका विषयमा आफ्ना सैनिकबाट गल्ती भएको स्वीकार गरेको छ ।
त्यसदिन रफाह नजिक प्यालेस्टिनी रेड क्रिसेन्ट सोसाइटी (पीआरसीएस) का एम्बुलेन्स, संयुक्त राष्ट्रको एक कार र गाजा सिभिल डिफेन्सको एक दमकल ट्रममाथि गोलाबारी भएको थियो ।
इजरायलले उक्त गाडीको लस्कर अँध्यारोमा शंकास्पद रुपमा अघि बढिरहेकाले सेनाले गोली चलाएको दाबी गरेको छ । मारिएका मेडिकल स्टाफमा एकले आक्रमणका सयमा भिडियो बनाएका थिए । उक्त फुटेजबाट घाइतेहरुको सहयोगका लागि बोलाउँदा सवारी साधनको लाइट बलेको देखन्छ ।
इजरायली डिफेन्स फोर्सले मारिएकामध्ये कम्तिमा ६ जना मेडिकल स्टाफ हमाससँग जोडिएको दाबी गरेको छ । यद्दपि इजरायलले अहिलेसम्म यसको कुनै प्रमाण दिन सकेको छैन ।
