हेग — फिलिपिन्सका पूर्वराष्ट्रपति रोड्रिगो दुतेर्तेलाई पक्राउ गरिएको १२ घण्टापछि मंगलबार राति नेदरल्याण्ड्सको हेगस्थित अन्तर्राष्ट्रिय फौजदारी अदालत (आईसीसी) पुर्याइएको छ ।
उनका एक वकिल मार्टिन डेल्ग्राले सामाजिक सञ्जालमा गरेको पोस्टमा ७९ वर्षीय दुतेर्तेलाई हेग लैजाने सानो विमानको तस्बिर देखाइएको थियो । दुतेर्तेको नजिकका सहयोगी साल्भाडोर मेडियाल्डे दुतेर्तेसँगै विमानमा चढेकाहरूमध्ये थिए ।
दुतेर्तेलाई मंगलबार बिहान पक्राउ गरी आईसीसीले जारी गरेको पक्राउ वारेन्टका कारण हिरासतमा राखिएको थियो । जुन कदममाथि दुतेर्तेले प्रश्न उठाएका छन् । राष्ट्रपतिको सञ्चार कार्यालयले दुतेर्तेको प्रस्थानबारे कुनै प्रतिक्रिया दिएको छैन ।
