सन् १९१० मा आजकै दिन : ‘लेडी विथ द ल्याम्प’ को मृत्यु

आधुनिक नर्सिङकी जन्मदाता फ्लोरेन्सको १८२० मे १२ मा इटलीमा जन्म भएको थियो । फ्लोरेन्स आफ्ना बुबाआमाको चाहनाविपरीत मानिसहरूको सेवाका लागि नर्स बनेकी थिइन् ।

बिरामी हजुरआमाको स्याहारसुसारमा खटिएपछि उनले आफ्नो जीवन नै मानिसको हेरचाहमा समर्पण गर्ने उद्देश्यले नर्सिङको पढाइ सुरु गरेकी थिइन् । खासगरी उनी क्राइमिया युद्धका बेला घाइतेहरूको सेवाका लागि अहोरात्र खटिएकी थिइन् । युद्धका बेला उनी घाइते सैनिकहरूको सेवाका लागि भनेर ३८ जना नर्सको टोलीसहित टर्की गएकी थिइन् ।

त्यतिबेला उनले मैनबत्ती बालेर पनि घाइते सैनिकको सेवामा खटिने गर्थिन् । त्यसैकारण ब्रिटिस सरकारले उनलाई ‘लेडी विथ द ल्याम्प’ उपाधिबाट सम्मान गरेको थियो ।