एकतापछि आफूलाई अपमानित गरिएको पनि घिसिङले बताएका छन् । उनले उज्यालो नेपाल देशको एक नम्बर पार्टी बनाउने अभियान आफूले सुरु गर्ने भन्दै थपे, 'अब कसैसँगग मर्जर, पार्टी एकता हुँदैन । कार्यगत एकता होला, त्यो बेग्लै कुरा हो ।’ 

उनले अहिले कसैलाई पनि धेरै दोष नदिने भन्दै शुभकामना मात्र दिने बताए । नयाँ शक्ति स्थापित हुनुपर्ने भन्दै नैतिकता राखेर र विश्वास कमाएर राजनीति गर्नुपर्ने भन्दै उनले अरुलाई अप्ठ्यारोमा पारेर राजनीति नहुने बताए ।

‘म त १२ दिनमै अलग भएँ । तर उहाँहरुको सहकार्य लामो होस् । अझै बालेन शाहलाई त मेरो झन् शुभकामना छ,’ उनले भने, ‘जनताले चाहेको उहाँहरुको एकता हो ।’ 

भदौ २४ पछि मन्त्री बन्ने प्रस्ताव कसरी आयो भनी सोधिएको प्रश्नमा उनले आर्मीको मुख्यालयमा आफू राति १ बजे बोलाएर पुगेको र प्रधानमन्त्री सुशीला कार्कीले नै मन्त्री बन्ने प्रस्ताव गरेको दाबी गरे । उनले जेन-जीसहित केही ठाउँवाट प्रस्ताव गर्नेबारे छलफल भएको सूचना आफूले पाए पनि प्रस्ताव प्रधानमन्त्री कार्कीबाटै आएको उनको भनाइ थियो ।