‘काठमाडौं, ललितपुर र भक्तपुरका प्रमुख सडक, चोक, बसपार्क लगायतका संवेदनशील क्षेत्रमा सीसीटीभी क्यामेरा जडान गरिएका छन्,’ एसपी कार्कीले भने,‘यस बाहेक पनि प्रहरीका विभिन्न युनिट, सार्वजनिक संस्था र निजी क्षेत्रले जडान गरेका सीसीटीभी क्यामेराहरुले उपत्यकाको सुरक्षामा सहज बनाएको छ ।’

प्रहरीका अनुसार यसले दैनिक गतिविधि मात्रै नभई अपराधी पत्ता लगाउन पनि ठूलो सहयोग गरेको छ। प्रहरीले भिडभाड हुँदा होस् वा सडकमा हुने विरोध कार्यक्रम र उत्सवमा क्यामेराकै आधारमा प्रहरी परिचालन गर्ने गरेको छ । एसपी कार्कीका अनुसार यातायात दुर्घटनादेखि चोरी, ठगी वा अन्य आपराधिक क्रियाकलापको प्रमाण संकलनमा पनि क्यामेरा निकै उपयोगी बनेको छ । प्रहरी प्रधान कार्यालयका अनुसार  प्रहरीले देशभरका विभिन्न प्रहरी कार्यालय अन्तर्गत रहेका झन्डै १८ हजार सीसीटीभी क्यामरामार्फत घटना विश्लेषण र अपराध अनुसन्धानको काम गरिरहेको छ ।