‘तीन नेताहरुले भागबन्डा गरेर आफ्ना कार्यकर्तालाई आयोगमा पठाउनु नै थियो त दुई दुई पटक समिति गठन गर्ने नाटक किन रच्नु परेको ?’, उनले भनिन्, ‘समितिका सदस्यहरुले पनि आफूलाई पछि विभिन्न ठाउँमा नियुक्ती पाउने आश्वासन पाएपछि नेताहरुले जे भन्यो त्यही गरिरहनु भएको छ, यो त न्यायको किनबेच भयो, यी नेताहरुलाई पाप लाग्नेछ ।’

पूर्वप्रधानन्यायाधीश ओमप्रकाश मिश्रको संयोजकत्वमा गठित दोस्रो पटकको सिफारिस समितिले दलहरुले भनेबमोजिम नै दुबै आयोगमा पदाधिकारीहरुको नाम आइतबार सिफारिस गरेको छ । समितिले पीडितहरुसँग परामर्शसमेत नगरेको र चासो राख्दा उल्टै हप्काउने काम गरेको भन्दै यसप्रति देवीले आपत्ति पनि जनाएकी छन् । 

‘पीडितहरुलाई पाखा लगाएर उहाँहरुले कसका लागि काम गर्न लाग्नु भएको हो ?’ देवीको प्रश्न छ, ‘यस्तै हो भने हामी समानान्तर आयोग गठन गर्नेछौं ।’
संक्रमणकालीन न्यायको विषय किन दलगत स्वार्थको भागबन्डामा पर्‍यो र यो विषय पेचिलो बनाउने काम कसले र किन गरिरहेको छ ? अनि यसले पीडितहरुको न्यायको अपेक्षामाथि खेलबाड गर्ने काम कसरी भइरहेको छ भनेर देवीले कान्तिपुरसँगको भिडियो कुराकानीमा विस्तृतमा बताएकी छिन् । हेर्नुहोस्, उनीसँग गरिएको कुराकानीको पूर्णअंशः