काठमाडौँ — नेपाल प्रहरीको साइबर ब्युरो, अन्य विशिष्टिकृत कार्यालय र उच्च पदस्थ प्रहरी अधिकारीहरूको नाम तथा दर्जा दुरुपयोग गरी विभिन्न व्यक्तिलाई चेतावनीमूलक इमेल आउने गरेको ब्युरोले जनाएको छ । यस्ता इमेलहरू होक्स (झुटा वा भ्रामक) भएकाले सतर्क रहन ब्युरोले अनुरोध गरेको छ । 

पछिल्लो समय नेपाल प्रहरीका विभिन्न कार्यालयहरूको नाम र उच्च अधिकृतहरूको दाबी गर्दै विभिन्न व्यक्तिहरूलाई इमेल पठाएको विषयमा जनगुनासो आइरहेको र यसप्रति गम्भीर ध्यानाकर्षण भएको ब्युरोले जनाएको छ । ‘नेपाल प्रहरी साइबर ब्युरो लगायत अन्य प्रहरी कार्यालयहरूबाट पठाइएको भनिएका यस्ता इमेलहरू होक्स इमेल भएकाले यस प्रकृतिका मेलहरूको विश्वास नगर्न हुन र कुनै प्रतिक्रिया (रिप्लाइ) नदिनुहुन अनुरोध छ,’ ब्युरोले विज्ञप्तिमा भनेको छ ।