मेक्सिकोले शुक्रबार विश्वकप २०२६ को नकआउट चरण यात्रा निश्चित गरेको छ । सह–आयोजक टिम नकआउट चरण पुग्ने पहिलो टिम पनि भएको छ । समूह ‘ए’ को खेलमा दक्षिण कोरियालाई १–० ले पराजित गरेपछि मेक्सिको शीर्ष दुईमा रहने निश्चित भएको हो । यो जितले मेक्सिकोको दुई खेलबाट छ अंक भएको छ । पराजित दक्षिण कोरिया भने तीन अंकमा दोस्रो स्थानमा छ । हारका बावजुत दक्षिण कोरियाको अर्को चरण पुग्ने सम्भावना जीवन्त रहेको छ ।

मेक्सिकोले दोस्रो हाफ सुरु भएयता दक्षिण कोरियाविरुद्ध अग्रता लिएको छ । खेलको ५० औं मिनेटमा दक्षिण कोरियाको कमजोर रक्षापंक्तिको फाइदा उठाउँदै लुइस रोमोले गोल गरेका हुन् । यससँगै खेलमा मेक्सिको १–० ले अगाडि रह्यो ।

मेक्सिको र दक्षिण कोरियाबीच चलिरहेको समूह ए को खेलमा पहिलो हाफ टुंगिदा गोलरहित बराबरीको स्थिति रहेको छ । रोमाञ्चक खेलमा दुवै टिमले केही उल्लेखनीय आक्रमण बुने पनि ती निर्णायक रहन सकेको छैन् ।