काठमाडौँ — बूढानीलकण्ठ नगरपालिकाले १० औं राष्ट्रिय महिला खुला बास्केटबल प्रतियोगिताको उपाधि जितेको छ ।

कीर्तिपुर कभर्डहलमा शुक्रबार सम्पन्न फाइनलमा बूढानीलकण्ठले ग्रान्डी स्टार्सलाई ५०–३७ स्कोरले पराजित गर्दै उपाधि जितेको हो । सुरुदेखि नै खेलमा अग्रता लिएको बूढानीलकण्ठले हाफटाइमसम्म २७–१३ को अग्रता बनायो । त्यसपछि ग्रान्डी स्टार्सले पुनरागमनको प्रयास गरे पनि नै बूढानीलकण्ठको जितमा सुरुको अग्रता  निर्णायक बन्यो । बूढानीलकण्ठले १३–६, १४–७, १३–१४, १०–१० को प्रदर्शन गर्‍यो ।

सेमिफाइनलमा बूढानीलकण्ठले सुनसरी बास्केटबल र ग्रान्डी स्टार्सले आइएसए नेपाललाई पराजित गरेको थियो ।

बूढानीलकण्ठकी उर्जा राना मगर फाइनलकी प्लेयर अफ द म्याच घोषित भइन् । विजेता बूढानीलकण्ठले ५० हजारसहित ट्रफी हात पारेको छ । उपविजेता ग्रान्डी स्टार्सले ३० हजार रुपैयाँ पुरस्कार प्राप्त गर्‍यो ।