काठमाडौँ — शिक्षा तथा खेलकुदमन्त्री सस्मित पोखरेलले यमबुद्ध पार्क महानगरपालिकामा हुँदा आफूहरूले सोचे जस्तो बनेको बताउँदै यसले स्केटिङ तथा स्केटबोर्डिङ खेललाई उचाइमा पुर्‍याउन सहयोग पुग्ने बताएका छन् ।

नेपाल स्केटिङ तथा स्केटबोर्डिङ संघको आयोजनामा नवौं राष्ट्रिय स्केटबोर्ड प्रतियोगिताको आइतबार उद्घाटन गर्दै मन्त्री पोखरेलले सार्वजनिक जग्गामा यस्ता स्केटबोर्डसहितको खेलस्थल बनाएर खेलको विकास गर्ने अभियानमा सरकार रहेको बताए ।   

काठमाडौं महानगरपालिकाको वडा नम्बर ५ मा हााडीगाउँ पहेँलो पुलनजिक बनेको यमबुद्ध पार्कको निर्माणले आफू उत्साहित भएको मन्त्री पोखरेलको भनाइ थियो । उनले यो पार्कको सदुपयोग गर्न पनि स्थानीयलाई आग्रह गरे ।

प्रतियोगितामा देशका १ सय ५० पुरुष र १ सय महिला खेलाडीको सहभागिता छ । दुईदिने प्रतियोगितामा पहिलो दिन शनिबार छनोट चरणका खेल भएको थियो भने आइतबार दोस्रो दिन उत्कृष्ट खेलाडीबीच प्रतिस्पर्धा भइरहेको छ ।