ब्राजिललाई कडा चुनौती दिइरहेको मोरक्कोले खेलको ६५ औं मिनेटमा आएर मात्र खेलाडी परिवर्तन गरेको छ । उसले ब्राहिम डियाजको स्थानमा चेम्स्डीनेलाई मैदान प्रवेश गराएको छ भने एजेदिने औनाहीको स्थानमा समीर एल माउरबेटलाई मौका दिएको छ ।

ब्राजिलले फरवार्ड लुकास पाकिटाको स्थानमा म्याथ्यु कुनालाई ल्याएको छ भने इगोर थियागोलाई पनि परिवर्तन गर्दै उनको स्थानमा लुइज हेन्रिकलाई मैदानमा पठाएको छ । खेलको ६४ औं मिनेट चलिरहँदा ब्राजिल र मोरक्को दुवै एक/एक गोलको बराबरीमा छन् । 

दास्रो हाफको खेल सुरु भएसँगै ब्राजिलले दुई खेलाडी परिवर्तन गरेको छ । पहेँलो कार्ड खाएका रक्षक रोजर इबानेजको स्थानमा ड्यानिलोलाई ल्याइएको छ भने कासेमिरोको स्थानमा फ्याबिनोलाई ठाउँ दिइएको छ । 

विश्व फुटबलको पावरहाउस ब्राजिले फिफा विश्वकप २०२६ मा आज पहिलो खेल खेलिरहेको छ । ब्राजिलले सन् १९३४ यता ९३ वर्षमा आफ्नो पहिलो खेल हारेको छैन । 

पछिल्लो समय निकै राम्रो फर्ममा रहेको मोहम्मद औहबी नेतृत्वको मोरक्कोले पाँच पटकको विश्व विजेता ब्राजिललाई पहिलो हाफमा बलियो चुनौताी दिएको छ । 

ब्राजिलले ५४ प्रतिशत बलमा नियन्त्रण राखेको भए पनि मोरक्कोले गोलको सम्भावना ब्राजिलको भन्दा राम्रो बनाएको छ । मोरक्कोले पोस्टतर्फ १२ वटा प्रहार गर्दा ब्राजिलले मात्र ६ प्रहार गरेको छ । त्यसैगरी, ब्राजिलका दुई खेलाडी क्यासेमिरो र रोजर इबानेजले पहेँलो कार्ड खाएका छन् भने मोरक्कोले अहिलेसम्म कुनै कार्ड खाएको छैन ।

विश्वकप फुटबलमा ब्राजिल भर्सेस मोरक्कोको खेल पहिलो हाफमा एक/एक गोलको बराबरीमा सकिएको छ । फिफा वरीयतामा ७ औँ स्थानमा रहेको मोरक्कोले ६ औँ स्थानमा रहेको ब्राजिलविरुद्ध खेलको २१ औँ मिनेटमा लिएको अग्रतालाई ९ मिनेट पनि जोगाउन सकेन । ब्राजिलले एक गोलले पछि परेको अवस्थामा बराबरी गोल फर्काएको हो । 

एक गोलले पछि परेको अवस्थामा ब्राजिलका भिनिसियस जुनियरले ३२ औं मिनेटमा मोरक्कोविरुद्ध गोल गर्दै खेललाई एक/एकको बराबरीमा ल्याएका छन् । उनले ब्रुनो गोमरेजको पासमा गोल गरेका हुन् ।

तस्बिर : एपी

मोरक्कोका लागि स्माइल साइबरीले गोल गरेका हुन् । मोरक्कोका फरवार्ड साइबरीले ब्राजिलविरुद्ध २१ औं मिनेटमा पहिलो गोल गरेका छन् । उनले ब्राहिम डियाजको पासमा गोल गरेका हुन् ।

सुरुवाती १५ मिनेटमा मोरक्कोले ब्राजिलको गोलपोस्टमा ६ पटक अट्याक गरिसकेको छ । तर सबै प्रहार ब्राजिलले रोकेको छ ।