चैत्त २५ देखि २८ गतेसम्म सञ्चालित उक्त प्रतियोगितामा सबै खर्च कटाएर १ लाख ३६ हजार रुपैयाँ बचत गर्न सफल भएको प्रस्तुत आयव्ययमा उल्लेख छ ।
पाँचथर — फिदिम भेट्रान्स क्लबले गत चैत अन्तिम साता पाँचथरमा आयोजना गरेको तेस्रो भेट्रान्स गोल्डकपको आयव्यय सार्वजनिक गरेको छ ।
क्लबले आइतबार फिदिममा पत्रकार सम्मेलन आयोजना गर्दै आयव्यय सार्वजनिक गरेको हो ।
हिलिहाङ गाउँपालिका-६ जोरपोखरी खेल मैदानमा गत चैत्त २५ देखि २८ गतेसम्म सञ्चालित उक्त प्रतियोगितामा सबै खर्च कटाएर १ लाख ३६ हजार रुपैयाँ बचत गर्न सफल भएको प्रस्तुत आयव्ययमा उल्लेख छ ।
प्रतियोगितामा संघ संस्था तथा दाता र स्थानीय तहबाट १३ लाख ९० हजार ५ सय आम्दानी र १० लाख ७० हजार ५ सय खर्च भएको क्लबले जनाएको छ ।
प्रतियोगिताको सबै खर्च कटाउँदा १ लाख ३६ हजार ५ सय बचत भएको क्लबका अध्यक्ष रोशन श्रेष्ठले जानकारी दिए ।
फिदिमको खेल मैदान निर्माण नसकिएकाले जोरपोखरी पुगेर खेल आयोजना गर्दा खर्च बढेकाले निर्माणाधीन मैदान चाँडो सम्पन्न गर्न गराउन सरोकारवालाको ध्यानाकर्षण गराएको छ ।
