बंगलादेशी टिमले भने मंगलबारको प्रस्ताविक प्रशिक्षण कार्यक्रम रद्ध गरेको थियो । बंगलादेशी खेलाडी सेउली अजामकी आमाको निधन भएको हुनाले टिम प्रशिक्षण कार्यक्रम सहभागी भएन् । त्यस बाहेक पछिल्लो समय बंगलादेशी महिला टिम आफैमा विवादमा परेको छ । तर पनि प्रशिक्षक न्यौपानेले बंगलादेशलाई बलियो प्रतिद्वन्द्वी नै रहेको माने ।

उनले भने, ‘बाहिर बंगलादेशी टिमबारे जस्तै हल्ला चले पनि यो बलियो टिम हो । हामीले बंगलादेश कमजोर रहेको मान्ने पक्षमा छैनौं । मलाई लाग्छ, बंगलादेश प्राविधिक रूपमा सबल टिम रहेको छ । हाम्रो ध्यान यही टिमविरुद्धको खेलमा केन्द्रित रहेको छ । हामीले बंगलादेशविरुद्धको खेलमा आफूलाई बलियो रूपमा प्रस्तुत गर्नु पर्नेछ । यसअघिको खेलको तुलनामा राम्रो खेल्नु पर्नेछ ।’

कम्बोडियाबाट अघिल्लो दिन मात्र गोवा आइपुगेकी प्रीति राईले प्रशिक्षणमा सहभागी भइन् र उनले बंगलादेशविरुद्ध सुरुदेखि खेल्ने अपेक्षा गरिको छ । उनी आएपछि नेपाली टिमको मध्यपंक्ति प्रीतिसँगै रेनुका नगरकोटेले सम्हाल्ने छन् । बंगलादेशले लिग चरणको आफ्नो खेलपछि भने प्रशिक्षक पिटर बलटरले पनि नेपालविरुद्धको खेल रोमाञ्चक हुने बताएका थिए ।