दशरथ रंगशालामा भएको प्रतियोगितामा २ स्वर्ण, ८ रजत र ६ कांस्यसाथ चितवन दोस्रो भयो । तेस्रो स्थानको धादिङले २ स्वर्ण र ३ रजत प्राप्त गर्‍यो । मकवानपुर र दोलखाले समान १–१ स्वर्ण जितेको थियो ।

छात्रमा काठमाडौंका नीरज शाह र छात्रामा अनिशा थारु उत्कृष्ट खेलाडी घोषित भए । अनिशाले ५ स्वर्ण तथा नीरजले ४ स्वर्ण जिते । दुवै लालीगुराँस नेसनल एकेडेमीका हुन् । अनिशाले ट्रिपलजम्प र लालीगुराँसकै अविनाश सुनारले छात्र हाइजम्पमा जुनियर राष्ट्रिय कीर्तिमान कायम गरे ।

भलिबलको छात्र/छात्रा दुवैमा काठमाडौंले उपाधि जित्यो । छात्रमा विजय भण्डारी र छात्रामा सारिका कार्की उत्कृष्ट खेलाडी घोषित भए ।

विजेतालाई बागमती प्रदेशकी युवा तथा खेलकुद मन्त्री उर्मिला नेपाल, बागमती प्रदेशका पूर्व युवा तथा खेलकुदमन्त्री मीनकृष्ण महर्जन, प्रदेश खेलकुद विकास परिषद् बागमतीका सदस्य–सचिव दीपक लामालगायतले पुरस्कृत गरे । तीनदिने प्रतियोगितामा एथलेटिक्स, भलिबल, कबड्डी, तेक्वान्दो, कराते र उसुको प्रतिस्पर्धा भएको थियो ।