यू–१६ समूहमा हर्षवर्धन राठी प्रथम तथा शुभम जोशी द्वितीय भए । यू–१४ समूहमा सात्विकमान तुलाधर प्रथम तथा ओस्कार पन्थी द्वितीय, यू–१२ समूहमा श्रेष्ठ साहस प्रथम तथा मैनाली दिपन द्वितीय भए भने यू–१० समूहमा रियान्शु पौडेल प्रथम तथा आयम सुवेदी द्वितीय भए ।

एलो १७०० मुनि समूहमा कबिन्द्र सिवाकोटी प्रथम तथा लेखराज भट्टराई द्वितीय भए । भेट्रान समूहमा पूर्णराज खड्का प्रथम तथा पुण्यमान कर्माचार्य द्वितीय भए । कुल ५६ हजार बराबरको नगद पुरस्कार वितरण गरिएको आयोजकले जनाएको छ । जेसिआई पाटनले चेस खेलको विकास, युवा प्रतिभा प्रोत्साहन तथा बौद्धिक खेल संस्कृतिको विस्तार गर्ने उद्देश्यले प्रतियोगिता आयोजना गरिएको जनाएको छ । 

पाटन हाई स्कुल परिसरमा प्रतियोगिता आयोजना भएको थियो । ललितपुर महानगरपालिकाका मेयर चिरीबाबु महर्जनले विजयी खेलाडीलाई नगद पुरस्कार, मेडल, ट्रफी तथा प्रमाणपत्र प्रदान गरेका थिए ।