काठमाडौँ — दक्षिण एसियाली युथ टेबलटेनिस च्याम्पियनसिपका पदक विजेता निश्चल थापा क्षेत्रीलाई आरम्भ संस्कार विद्यालयले शुक्रबार सम्मान गरेको छ ।

भारतको सिमलामा ८ देखि ११ अप्रिलमा भएको प्रतियोगितामा निश्चलले १–१ रजत र कांस्य पदक जितेका थिए । उनले यू–१५ ब्वाइज डबल्समा रजत र यू–१५ ब्वाइज टिम इभेन्टमा कांस्य जितेका थिए ।

आरम्भका प्रिन्सिपल नरेशप्रसाद श्रेष्ठ र भाइस प्रिन्सिपल दिनेश श्रेष्ठले निश्चललाई प्रशंसा पत्र र मायाको चिनोसहित सम्मान गरे ।

सोही अवसरमा दक्षिण कोरियाको इन्चोनमा हुने इन्टरनेशनल क्रिस्टियन टेबलटेनिस प्रतियोगितामा सहभागी हुने प्राज्ना महर्जनलाई बिदाई गरिएको थियो । निश्चल कक्षा ९ र प्राज्ना कक्षा ७ मा आरम्भमै अध्ययनरत छन् । आरम्भले दुवैलाई पूर्ण छात्रवृत्ति प्रदान गरेको छ ।