नेपालगन्ज — आयोजक रेसिङ सहारा क्लबको जितसँगै चौथो कोहलपुर गोल्डकप फुटबल प्रतियोगिता शनिबार सुरु भएको छ ।

कोहलपुर–२ स्थित प्रस्तावित कोहलपुर फुटबल रंगशालामा आयोजकले पञ्चकोशी युवा क्लब सुदूरपश्चिमलाई २–१ गोलले हराएको थियो ।

आयोजकका लागि पहिलो हाफमा विदेशी खेलाडी पेपे र फागुराम थारुले गोल गरेका थिए । खेलको ८८ औं मिनेमा पञ्चकोशीका नुसहारा उप्रेतीले एक गोल गरे । म्यान अफ द म्याच रेसिङ सहारा क्लबका पेपे घोषित भए । उनले ५ हजार रुपैयाँ प्राप्त गरे ।

प्रतियोगिताको कोहलपुर नगरपालिकाका नगरप्रमुख पूर्णप्रसाद आचार्य र उपप्रमुख संगीता सुवेदीले संयुक्त रुपमा उद्घाटन गरे । नगरप्रमुख नगरप्रमुख आचार्यले चार वर्षदेखि सञ्चालन हुँदै आएको यस गोल्डकप कोहलपुरको पहिचान बनेको बताए ।