प्रतियोगिता अवलोकनका लागि सान्यास्थित बिच रंगशाला पुगेका नेपाल ओलम्पिक कमिटिका अध्यक्ष जीवनराम श्रेष्ठले महिला टिमले राम्रो प्रदर्शन गरेकोमा खुसी व्यक्त गरे  । उनले भने, ‘खेल अनुभव र आत्मविश्वासले परिणाम राम्रो आएकोमा निकै खुसी लाग्यो ।'

सन् २०२३ अक्टोरमा चीनको हाङ्चौमा आयोजित १९औं एसियाली खेलकुदमा नेपालले कास्य पदक प्राप्त गरेको थियो । सो खेलपश्चात् धेरैको ध्यानाकर्षण भएको बताउँदै श्रेष्ठले बिच गेम्समा नेपालमा आफूलाई अब्बल खेलकुद भएको प्रमाणित गरेको बताए । उनले भने, ‘पहिलो खेलमै चाइनिज ताइपेइलाई पराजित गरेर सक्षमता देखाएको नेपालले बाँकी खेलमा राम्रो खेल्दै गएमा राम्रो पदक हासिल गर्ने आशा छ ।'  

समूह ए बाट भारत र श्रीलंकाले सेमिफाइनलमा स्थान बनाएका छन् । यो समूहबाट सिरिया बाहिरिएको छ । बी बाट नेपाल र बंगलादेशले अन्तिम चारको स्थान बनाए भने चाइनिज ताइपेइ र थाइल्याण्ड बाहिरिए ।