काठमाडौँ — क्रिकेट एक्सिलेन्स सेन्टर (सीईसी) काठमाडौंले गौरीशंकर सुपर लिग यू–१७ ब्वाइज क्रिकेट प्रतियोगिताको जितेको छ । बुधबार फाइनलमा एन्जल्स स्पोर्ट्स एकेडेमीलाई ३६ रनले पराजित गरी सीईसीले उपाधि जित्यो ।

टस जितेर ब्याटिङ रोजेको सीईसीले २० ओभरमा सबै विकेट गुमाएर १०५ रन बनायो । दिनेश बोहराले आक्रामक ब्याटिङ गर्दै मात्र १० बलमा २ चौका र ३ छक्काबाट २७ रन बनाए । बुद्धिमान विष्टले १९ र कप्तान प्रसिद्ध जैसीले १७ रन जोडे । एन्जल्सका धिरज यादव र प्रह्लाद गौतमले २–२ विकेट लिए ।

१०६ रनको लक्ष्य पाएको एन्जल्स स्पोर्ट्स १८.२ ओभरमा मात्र ६९ रन बनाउँदा अलआउट भयो । विशाल ऐयरले २१ रन बनाए पनि अन्य ब्याटरले दोहोरो अंक जोड्न सकेनन् ।